ഈ നിമിഷവും, നീയും

കളഞ്ഞു പോയെന്നു നിനച്ചിരുന്ന വിലപ്പെട്ട എന്തോ ഒന്ന്
പഴയ പെട്ടിക്കുള്ളിൽ നിന്നും അപ്രതീക്ഷിതമായി കിട്ടിയ പോലെ...

ഇനി ഒരിക്കലും കാണില്ലെന്ന് വിചാരിച്ചിരുന്ന പ്രിയപ്പെട്ട ഒരാൾ
വഴി വക്കിൽ, ആൾ കൂട്ടത്തിനിടയിൽ വെച്ച് കണ്ടു മുട്ടിയ പോലെ...

മറന്നു തുടങ്ങിയ, ആ പ്രിയപ്പെട്ട പാട്ടിന്റെ വരികൾ
യാത്രക്കിടയിൽ അടുത്തിരുന്ന ഒരാൾ മൂളിയ പോലെ...

ഈ നിമിഷവും , നീയും എന്റെ മനസ്സിനെ സന്തോഷിപ്പിക്കുന്നു !