മനസ്സിന്റെ ചില ചോദ്യങ്ങൾ

ഇനി ഒരിക്കലും കാണില്ല എന്നറിയാമായിരുന്നിട്ടും
ഒരു യാത്ര പോലും പറയാതെ നീ പോയതെന്തിനു !

ഒരു ശ്വാസം അകലെ എന്നോർമകളിൽ
നീ എന്നുമുണ്ടാകും എന്ന വിശ്വാസമോ...

നാളെ ഒരിക്കൽ നാം വീണ്ടും കാണാതിരിക്കില്ല
എന്നൊരു മനസ്സിന്റെ ചെറു പ്രതീക്ഷയോ...

യാത്ര പറയുവാൻ മാത്രം അകിന്നിട്ടില്ല നാം
എന്നോരടുപ്പത്തിൽ നിന്നുയർന്നൊരു അധികാരമോ...

ഇനി നിനക്കാരുമല്ല ഞാൻ എന്നൊരു തോന്നലിൽ
നിനക്കുണ്ടായൊരു അകൽച്ചയോ...

നിന്നെ അറിയാൻ കഴിയാതിരുന്നത് പോൽ,
ഇന്നെനിക്കറിയില്ല മനസ്സിന്റെ ഈ ചോദ്യങ്ങൾക്ക് ഉത്തരം !